ආවරණ කලාපයෙන් බැහැරය
කෝප ගන්වා මුව රතු කරන
ඔච්චම් කතා එක්කම
නක්කල් හිනාවද
අරපරෙස්සම් සහගත
කෙටි පණිඩුඩ තොගය
කොහේ හෝ සංඥා කණුවක
හිරව ඇත
සාංකාවෙනි මම
පශ්චාත්තාප වෙන'තර
මල් පෙති හැළී යන තුරු
මල් මිටෙන් පහර දුන් දින ගැන
හඩන්නට අවැසිය
ඒ නමුත් බියෙනි මම
සැනසෙනු පිණිස
තුරුළුකරගන්නා පපුව
මා අසල නැති හෙයින්
පරෙයියෙක් අත එවා ඇත
පාළු වග දන්වා කෙටි ලිපිය
වියළී සිදී ගිය දොළක් මෙනි
සිපගැනුම් මග හැරී ගිය දෙතොල
ලියා එවනට හැකිද ඔබට
ඉක්මණින් එන වග
ඔබ සුවෙන් වග
සුදු පරෙවියකු අත
ඒ නමුත්, හාදු නම් එපා
වෙනකෙකු අත
