.

ඔබ දුන් පොරොන්දු සියල්ලස

මාවන්නැයි වචනයට පෙරළුනි

මා සමා දුන් පසුව

ඔබ මගෙන් නික්මිණ

සියල් සමුගැනීම් මැද

මා ශක්තිමත් වූයෙමි

ඔවු! ශක්තිමත් මිනිසකු

බිඳී ගිය මතකයන් ඇත්තෙකු

බිඳී ගිය මතකයන්

වඩා වේදනාකාරී විය

මම ශක්තිවන්තයකු වීමි

වඩා වේදනාකාරී දෑ අමතක කරනුවස්

වේදනාවෙන් මිරිකෙමි.

නිශාන්ත ෆර්නෑන්ඩු

සාංකාමය පැළ රැකබලා ගැනිමකි ප්‍රේමය

සාංකාවේ අංකුර 

හිස එසෙව්වේ එහෙමය 

ක්ෂුද්‍ර වීමටත් පෙර සිටය

කුඩාවට ඉතාමත් කුඩාවට
කැබලි වී ගිය පසු ප්‍රේමය
සාංකාමය පැළයකට
ඉතා හොඳ පොහොරය


හුදකලා තවානක
තනි අයිතියක් පැවතීම
සාංකාමය පැළ
රැකබලා ගැනිමකි ප්‍රේමය


ගර්ත පෙනහළු මැදින්
ඇසේ දෝංකාරමය හඬ
සැර සුසුම් සුළගක
නොනවතින සර සරය


තෙරපුම් සහගතය
ගැටී, සීරී, තුවාලය
ඒ නමුත් ක්ෂුද්‍රය‍
පිටස්තර ලෝකයට නුහුරුය


තුටුවන්ට කාරණාවකි
සාංකාමය පැළ ඇති
හුදකලා තවානක
තනි අයිතිය


නිශාන්ත ෆර්නෑන්ඩු