මුලු ගමම යට වෙලත් තිබුණා
මගෙ පැලත් කොට්ටම්බා ගහ යට
ආපු වතුරෙම ගිලී තිබුණා
රකින්නට මිල මුදල් නැති මුත්
මගේ පැලෙත් වස්තුවක් තිබුණා
කාටවත් යළි දෙන්න බැරි ඒ
මතක සැමරුම් දියේ ගිලුණා
ලොකු පුතා ඉපදුනු වෙලාවේ
ඇදපු ඇදුමක් නමා තිබුණා
පෙට්ටගම ඇතුලේම තව උගෙ
පින්තූර දෙක තුනක් තිබුණා
යන්න ඉස්සර බැදපු පොඩි දුව
උකස් තිව් ඉඩමකුත් තිබුණා
ඉඩමෙ විස්තර ලියපු ලියවිලි
ඒත් අර පෙටිටියක තිබුණා
මොන දෙයක් නැති උනත් දුක නෑ
එක දෙයක් මට ඉතිරි වූවා
මහත්තයා අපි බැදපු දා ගත්
පින්තුරේ මම අරන් ආවා
#නිශ්
No comments:
Post a Comment