පුවතක් - රට පුරා විදුලි කප්පාදුවක්
හැන්දෑ වරුවල අපි අතර
කතා බහකුදු නැති කල
රූප පෙටිටය අබියස
රෑ කෑම හිස්කල
බුම්ම ගත් මුහුණින්ම
නිදියන
රෑ කලුවරට ඔච්චමට
හිනාවෙන අඩ සද පලුව
තරු එක්ක මුලු රෑම
හිනාවෙනවද අපිට
සොදුර මේ අඩ අදුර
ඉටි පහන් එළි නටන
ඉස්සර පෙම් කතා
දිග හැරෙන මතකයක
දෑත් පටලන් ඇවිදින
රෑ අහස බලාගෙන
ගෙපිල උඩ
ඇට්ටේරියා සුවද විද විද
උණු කෝපි තොල ගාන
ඈ නැතිවු ලෝකයක
අපි අපිට මොනතරම්
ලෙන්ගතුද
කෝ ටිකක් ළං වෙන්න
මට ඕනි කොපුල්තල
සිප ගන්න
"තේකලා" පුලුවන්ද
ආයෙමත් නොඑන්නම
දුර යන්න
#නිශ්
No comments:
Post a Comment